En hvað með Norðmenn?

12.10.2008 | 11:27

Norskur vinur minn spyr mig í algjöru sakleysi í gær: "Af hverju eruð þið að taka lán frá Rússum þar sem BÓKAÐ er að eitthvað hangir á spýtunni, þegar mínir ráðamenn (þeir Norsku) eru búnir að bjóðast til að lána Íslandi þessar sömu 4 Milljarða NOK eða hvað það nú var, sem Rússarnir eru að bjóða? Það hlýtur alltaf að hanga minna á spítunni þegar grannaþjóð býður sína hjálp, heldur en stórveldið Rússland og herra Pútín sem engin treystir."

Ég verð því að spyrja eins og Per gerði svo skilmerkilega, af hverju í ósköpunum erum við að taka þetta lán frá Rússum ef við getum fengið það frá Norðmönnum? Er ekki allt í lagi?

	Gísli Marteinn: Vill frekari skýringar á Rússaláni
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Árni! - Norðmenn buðu Einn Áttuna hluta þeirrar upphæðar sem semja á um við Rússa. Það hefur alls ekki verið afþakkað, fremur en önnur aðstoð frá Norðurlöndum, heldur sagt að beðið yrði og séð til hvort þörf yrði fyrir meiri fjárhagsaðstoð.

H G, 12.10.2008 kl. 13:16

Okay, gott mál. Þá þurfum við bara að taka 7/8 að láni frá Rússum. Að mínu mati á að fá sem mest frá öðrum og rest frá rússum, ekki öfugt.

Það má vel vera þröngsýnt af mér, en ég treysti ekki Pútín lengra en ég get kastað honum, og ég er hræddur um að ég kasti honum alls ekki langt.

Árni Viðar Björgvinsson, 12.10.2008 kl. 23:36

Rússland Pútíns er auðvitað allt annað en Sovétríkin gömlu, en þó voru nógu margir hræddir við þau. Íslandingar hafa alltaf átt góð samskipti við rússana. Við sendum þeim úldinn harðfisk og þeir okkur olíu í staðinn. Aldrei kvörtuðu þeir og aldrei reyndu þeir að gera okkur að kommum. Ég vil mikið frekar sjá rússalánið en IMF, því þar fara alvöru glæpasamtök. Allavega ef maður á að trúa sögunum um þá.

Villi Asgeirsson, 17.10.2008 kl. 11:46

Já, ekki vil ég meina að ég vilji frekar sjá IMF þar sem ég hef heyrt nákvæmlega ekkert gott og fullt af slæmu um það batterí, en ég myndi samt frekar vilja fá lán hjá öðrum Skandinavíulöndum til dæmis, heldur en að fá lán frá jafn stóru herveldi og Rússland er; sérstaklega í ljósi þeirra vandræða sem eru nú þegar í gangi þeim megin á hnettinum. Rússar eru eflaust ekki alslæmir, og nánast 100% betri en IMF, en samt...