ÞAÐ ER EKKERT TJÓN!!!

Andskotinn hafi það, ég ÞOLI ekki svona fréttir!

Hvaða helvítis tjón er orðið? Hvernig getur einhver slengt fram tölu um eitthvað sem er ekki orðið? Djöfulsins andskotans fábjánaskapur er þetta!

Ólafur Ragnar er oft búinn að haga sér eins og fífl og má hann alveg eiga það, en þessi herferð gegn honum núna er viðurstyggilegur horbjóður.

Heldur fólk virkilega að ferðamenn hafi ekki gerst sér grein fyrir því hingað til að Ísland ER EITT STÓRT ELDFJALL! Fólk kemur til Íslands akkúrat VEGNA þess að það er eitt stórt eldfjall. Og fyrir hvern þann túrista sem kemur ekki hingað vegna þess að landið hristist, þá fáum við annan túrista sem kemur til þess að sjá hamfarirnar. Eða er fólk alveg búið að gleyma því að landið er einmitt fullt af túristum núna sem hefðu EKKI komið hingað ef það hefði ekki gosið?

Tjón þjóðarbúsins stefnir í 10 milljarða

Jæja, þá kýs ég á morgun... en hvað?

Ég er mikið búinn að vera að spá í því síðustu mánuðina hvaða skoðun ég hafi virkilega á IceSave málinu og eins og lang flestir Íslendingar er ég kominn með algert ógeð á IceSave. Mér líður eins og það sé viljandi verið að framleiða torf til að vaða í gegnum, og þannig sé verið að kaffæra mér í skoðunum og "réttu leiðinni" sem við eigum að fara.

Mín skoðun (sem ég ætla að reyna að komast í að kjósa á morgun) sem ég hef eitt talsverðum tíma í að hugsa út frá hinum ýmsu rökum beggja hliða, rökhugsun og almennri skynsemi er hins vegar sú að það EINA sem við getum gert í stöðunni eins og hún er í dag (það er heimska að spá í "...hefðu átt að..." röfli í þessu samhengi) sé að Íslendingar taki sig saman og neiti að samþykkja Lög 1/2010.

Af hverju?

Ef við samþykkjum Lög 1/2010 í þjóðaratkvæðagreiðslu, jafnvel þó það fari 51/49, mun alltaf vera hægt að halda því yfir höfði okkar að ÞJÓÐIN hafi VALIÐ að samþykkja lög sem fjarlægja alla fyrirvara og varnagla úr eldri lögunum (Lög 96/2009) sem stjórnvöld ákváðu að samþykkja án þess að hugsa málið til enda. Eftir það höfum við ekkert samningavald, engin spil á hendi, ekkert hald í flóðinu sem mun skella á okkur.  Hvort við náum að synda eða drukknum verður svo bara að koma í ljós.  Ef eitthvað kemur síðan uppá meira og við getum ekki borgað, munu kröfuhafar erlendis fara að taka auðlyndir okkar, fasteignir og fyrirtæki eignanámi. Ísland verður einhver skítahola í miðju ballarhafi í eigu stórra fyrirtækja út um allan heim, og litla þjóðin Ísland mun lognast útaf og deyja vegna þess að við höfum ekkert að halda í hér og munum flýja á betri mið.

Ef við neitum að samþykkja Lög 1/2010, eru Lög 96/2010 nánast sjálfkrafa ónýt nema að það náist nýir samningar til að bjarga þeim, vegna þess að Bretar og Hollendingar eru ekki að gúddera þau. Það mun allt verða vitlaust, en ég held að það verði alltaf betri kosturinn en hitt.

Það skiptir mig nefnilega meira máli að börnin mín og barnabörnin mín séu heilbrigð og lifi þokkalega vel, heldur en það hvort að einhver Hollendingur hatar Ísland í 10-20 ár.

Það er MÍN SKOÐUN að það jaðri við að þeir Íslendingar sem samþykkja Lög 1/2010 séu að fremja landráð. Það getur aldrei aldrei ALDREI verið jákvætt að taka alla varnagla úr samningum og gera sig þannig opinn fyrir fantabrögðum hinna samningsaðilanna.

Átta búnir að kjósa í borginni

Oj bara, ég fæ óbragð í munninn.

Nei, sko.. við sögðum ÞETTA aldrei.. það er ekki okkur að kenna að þið túlkuðuð þetta svona.

Oj bara! Það er kúkabragð af "sannleiknum" frá ykkur öllum.

Mun ekki biðjast afsökunar

Jæja góða, 'komdu meðða' þá. Dreptu umræðuna almennilega!

Það er auðvelt að segja "ég er tilbúin til...." og gera ekkert í því. Nú er mál að sýna að kellingin hafi smá 'balls' og fylgja orðum með aðgerðum... sem má reyndar viðurkennast að er ekki sterkasta hlið stjórnmálamanna almennt

Ummælin fráleitur þvættingur

Orð gegn orði og Ísland lepur viðbjóð úr skál.

Mér þykir þetta alveg stórmerkileg fréttamennska.

Framsóknarmenn segja Norðmenn bjóða Íslandi björgunarhring.
Jóhanna segist hafa kannað hvort þetta væri satt, og fengið neikvætt svar.

Hver segir satt? Og á hvaða forsendum? Auðvitað þarf svona að fara fyrir norska þingið og þeir að taka þar ákvörðun í sameiningu. Miðjuflokkurinn getur ekki sagt Á og Stoltenberg getur ekki sagt AF. Hlutirnir virka bara ekki svona!

Það að láta fyrirsögnina segja "Jóhanna beitti sér gegn láninu" er staðhæfing, ekkert annað. Hafa þeir kynnt sér hvort það er einhver sannleikur á bak við fréttina?

Sorglegt er ef satt er, vissulega, en er ekki ákveðin krafa að fréttamenn viti 100% hvað þeir eru að segja, áður en þeir mata alþjóð á saurugri súpunni?

Hverng er það annars, er Davíð líka ritstjóri MBL.is ?

Jóhanna beitti sér gegn láninu

Vinstri þetta, hægri hitt.. þvílík þvæla!

Það er náttúrulega ekki hægt að rífast um stjórnmál, því skoðanir manna eiga alltaf jafn mikinn rétt á sér.. alveg sama hversu vitlausar þær eru. En ýmislegt er búið að vera að pirra mig og ég bara verð að tjá mig um það.

Allt góðærið var blekking, sem bankakerfið framleiddi, fréttakerfið framreiddi og ríkisstjórnin studdi með því að sofa á verðinum og passa ekki að þessi fífl færu með peningana okkar til helvítis. Allan þennan tíma voru erlendir aðilar og innlendir að vara okkur við því að þetta væri bara ekki hægt. Þá sjaldan að eitthvað slíkt kom í fréttum, þá var þetta málað sem þvaður og skæl og þjóðin leit á þetta fólk sem röflara sem vissu ekkert hvað þeir segðu, því þetta væri bara víst hægt og við værum að gera þetta. Allan þennan tíma var Steingrímur J. eins og gjammandi Chihuahua alveg harður á móti öllu en kom aldrei með eina einustu lausn á neinu. Það er auðvelt að vera á móti ef maður þarf ekki að rökstyðja hlutina.

Það að segja að Sjálfstæðismenn hafi verið á réttri leið og þjóðin hafi stoppað þá er ekkert nema fáviska og bláblóðs heilaþvottur. HORFIÐ Í KRINGUM YKKUR, og sjáið hvað þetta frábæra góðæri Sjálfstæðismanna gerði þjóðinni. EKKERT af þessu frábæra góðæri er eftir í dag, vegna þess að þetta var allt saman blekkingaleikur!

Núverandi stjórn er alveg stórkostlega óheppin, því hún er fengin í það verkefni að þrífa upp skítinn eftir bankalúðana og útrásarvíkingana og einkavæðingarvinasölusjálfstæðisstjórn kolkrabbans. Eðli málsins samkvæmt getur þessi ríkisstjórn ekki gert nokkurn skapaðan hlut nema greitt reikninga, reynt að redda málum og almennt horft upp á þjóðina veslast upp í eymd og volæði. Skattahækkanir og Iceslave samningar og annað sem við erum að taka okkur fyrir hendur kemur til með að koma sér mjög illa fyrir fólkið í landinu, og fólkið í landinu er svo óstjórnlega heiladautt og hraðgleymið að það kennir Vinstri stjórninni um ófarirnar. Alveg er ég viss um að sjálfstæðismenn hafa aldrei verið glaðari en nú, því hendur þeirra eru hvítþvegnar af vinstrimönnum og þeir koma síðan sterkir í næstu kosningar sem 'bjargvættir landsins' og taka við af þessum óhæfu vinstrimönnum og halda áfram að laga það sem vinstrimenn hafa eytt fjórum árum í að laga, og þá er einmitt passlega kominn tími til að lækka smá skatta og gera fólkið pínu hamingjusamara.. glory to the big blue, eh? Ljótu vinstrimenn meiddu okkur og fallegu Sjálfstæðismennirnir koma og kyssa á báttið og setja plástur.

Þvílík eindæmis andskotans vitleysa sem stjórnmálin á Íslandi eru, og þvílíkir djöfulsins hálfvitar sem Íslendingar eru gagnvart stjórnmálum! Liðleysur og bleyður!

Einhver gæti látið sér detta í hug af ofangreindu að ég sé semsagt vinstrimaður með allt á hornum mér varðandi hægristjórn, en ég er bara ósköp venjulegur þreyttur Íslendingur sem misst hefur allt traust á stjórnvöldum landsins.

Kíkjum aðeins á vinstristjórn samtímans. Kíkjum til dæmis á áðurnefndan Steingrím J. Sigfússon. Gjammið er þagnað, en skortur hans á lausnum sem alltaf var svo augljós, lifir enn í dag. Hann er gjörsamlega hrygglaus með öllu. Hann er bara litli skrítni strákurinn sem hangir í stóru krökkunum og er ekkert nema glaður að fá að leika með. Hann passar sig bara að vera ekki með of mikil læti, svo þau hendi honum ekki út.

Ef Steingrímur J. Sigfússon væri í stjórnarandstöðu í dag, þá er ég hræddur um að hann væri búinn að fá hjartaáfall eða sprungna hálsæð af öskrum og látum í þinginu yfir þessari helvítis þvælu sem væri þar í gangi. Eins hjá Jónsa í Eurovision myndum við sjá þumalþykkar æðar á hálsinum þegar hann væri eldrauður í framan að ÖSKRA á samþingmenn sína og reyna að koma vitinu fyrir þá. En nei.. hann er memm núna, og þá er vissara að þegja bara og vera góður. Maður fær ekki að vera memm ef maður er með vesen.

Það er langt því frá að ég sé meira vinstrisinnaður en hægrisinnaður. Ég er bara óskaplegur miðjumaður í öllu sem ég geri. Ég trúi á þá staðreynd að allt er best í hófi, og vinstri og hægri eiga að vinna saman til að framleiða góða miðju. Við höfum gott af smá sjálfstæði og smá kommúnisma. Ég er hins vegar ekki búinn að lifa vinstristjórn til fullnustu og mun sennilega aldrei gera það eftir þetta, þannig að ég NEITA að drulla yfir vinstristjórnina og aðgerðir hennar fyrr en ég hef séð þá vinna óþvingaða. Það er einfaldlega ekki hægt að dæma vinstristjórn nútíma Íslands á aðgerðum sínum í kreppu nútíma Íslands. Hægri menn væru alveg sömu aumingjarnir í sömu stöðu.

Vinstristjórn Vinstri Grænna og Samfylkingar eru að leggja eitthvað sem margir myndu telja óberanlegar byrðar á þjóð sína. Fólk rífst og skammast út í stjórnvöld, og hafa fullan rétt á því, og þessi fjandans Iceslave samningur er náttúrulega ekkert nema sölusamningur þjóðar til kröfuhafa. Þó hef ég ekki enn fengið, frá einum einasta aðila sem rífst og skammast út í Iceslave, einhverja aðra lausn.

Hvað er eftir í stöðunni? Hvað er hægt að gera nema selja sálu sína djöflinum? Hvað getum við gert betur en að semja af okkur? Hvað getum við gert annað en að axla byrðina? Hlýtur spurningin ekki að vera frekar hvort við getum staði saman nógu sterk til að bera þetta án þess að kikna í hnjánum og detta og grafast undir byrðinni þar með?

Íslendingar eru að sjálfsögðu harðir víkingar og sterkir. Við stöndum þetta af okkur eins og við höfum alltaf staðið allt af okkur. Við þurfum að vinna meira, eyða minna og lifa léttar. Eiginlega bakka bara aftur um svona 20-30 ár í hegðun. Við vinnum af okkur þrælasamningana og eftir 3-4 kynslóðir verða málin komin á slíkan stað að það er eins og hrunið hafi aldrei gerst og við getum farið að halda áfram með lífið. Það er þó ljós í myrkrinu að barna-barna-barna-barna-börnin mín munu hafa það ágætt!

Hvað eru stjórnmálamenn að gera?

Ég datt niður á ágætis punkt sem Ingi Karlsson kom með í pistli sínum í dag.

Í guðana bænum, það hljóta að vera til stjórnmálamenn sem geta látið verkin tala án þess að þurfa að liggja endalaust yfir smáatriðum og aukaatriðum. Við eigum raunverulega möguleika í stöðunni og það er fullkomið ábyrgðarleysi að mínum dómi að setja ekki á fulla ferð við að nýta þá til að koma okkur í öruggt var fjárhagslega með öllum ráðum.

(http://ingikarlsson.blog.is/blog/ingikarlsson/entry/840779/)

Það er alveg merkilegt, eins og Ingi nefnir, að stjórnmálamenn/konur sem eiga að heita valin af þjóðinni til að stýra þjóðinni í gegnum ólgusjó lífsins, sitja á rassgatinu eins og sofandi hænur á eggjum og það heyrist ekki eitt einasta orð af viti frá þessu fólki.

"Von þjóðarinnar", nöldurseggurinn Steini J., sem er búinn að eyða áratug í að gagnrýna sofandi Sjálfstæðismenn, hrýtur nú úti í horni og sannar að hann er sami helvítis aumingin og allir hinir sem hann svo elskar að gagnrýna.

Hversu flókið er virkilega að bara GERA eitthvað? Af hverju þarf alltaf að eyða 25 árum í eitthvað innantómt blaður áður en einhver rennur fram af borðbrúninni sem hann svaf á, vaknar og GERIR eitthvað?

Hvernig á ég að geta kosið þessi flón? EITTHVAÐ AF ÞESSUM FLÓNUM? Öll eiga þau það sameiginlegt að hugsa um sjálf sig umfram alla aðra, og vera nákvæmlega andskotans sama um það hvort Jón og Gunna eru að fara á hausinn.

Ef einhver stjórnmálamaður/kona getur virkilega logið því að mér að hann/hún muni breyta háttum og gera gagn, skal ég glaður kjósa hann/hana.... en ennþá sé ég ekki betur en ég verði að skila auðu... þetta eru allt aumingjar og lygarar. 

Komdu fagnandi!

Skemmtileg hugmynd, og frábær leið til að ná gjaldeyri inn í landið án hjálpar IMF. Það er allavega hægt að treysta svona manni til að hafa mjög einfaldar ástæður fyrir aðgerðum sínum... hann ætlar að græða á þessu, og verði honum að því ef það réttir skútuna aðeins við.

Vill taka þátt í uppbyggingu Íslands

Til hamingju Björgvin

Það er flott að sjá að einhverjir stjórnmálamenn hafa þann manndóm að viðurkenna sín mistök, og sjá að rifan milli stjórnvalda og fólksins í landinu sé orðin ansi stór.

Þetta er skref í rétta átt, og Björgvin hefur unnið sér inn vott af virðingu minni fyrir þetta.

Björgvin segir af sér

Skemmtileg skemmdarverk

Það má nú svosem lengi deila um það hversu smekklegt þetta krot er, svona í ljósi alvöru málsins, en ég var að fá senda þessa mynd í pósti sem mér skilst að sé af raunverulegu 'veggjakroti' en sé ekki bara photoshop aðgerð.

Ósmekklegt.. já.

Fyndið.. já :)

 

Áfram mótmæli á Austurvelli